संजय गडदे, मुंबई

Mumbai Andheri Fire :

मुंबईच्या अंधेरीत आगीची दुर्देवी घटना घडली आहे. मुंबईच्या अंधेरी पूर्वेकडील मरोळ मिलिटरी रोड भागातील इमारतीला ही आग लागली आहे. या इमारतीच्या चौथ्या मजल्यावर सोमवारी सायंकाळी ही आग लागली. या आगीनंतर इमारतीमधील लोकांमध्ये एकच भीती पसरली. या आगीच्या घटनेत कोणतीही जीवितहानी झालेली नाही. मुंबई अग्निशमन दलाचे जवान घटनास्थळी दाखल झाले आहेत. (Latest Marathi News)

मिळालेल्या माहितीनुसार, मुंबईच्या अंधेरी पूर्वेकडील रहिवाशी इमारतीला आग लागल्याची घटना घडली आहे. सोमवारी सायंकाळी साडेसात वाजण्याच्या सुमारास ही आग लागली. अंधेरीतील मरोळ मिलिटरी रोड भागातील जगदीश अपार्टमेंट इमारतीच्या चौथ्या मजल्यावर ही आग लागली. य या आगीत सुदैवाने कोणतीही जीवितहानी झाली नाही. आगीची माहिती मिळताच मुंबई अग्निशमन दलाचे जवान घटनास्थळावर दाखल झाले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आग लागल्यानंतर इमारतीत अडकलेल्या नागरिकांची मुंबई अग्निशमन दलाचे जवानांनी सुखरुप सुटका केली आहे. इमारतीला आग लागल्यामुळे धुराचे लोट उसळू लागले. त्यामुळे इमारतीत 40 पेक्षा अधिक नागरिक अडकले होते. या सर्वांना सुखरूप बाहेर काढण्यात अग्निशमन दलाला यश आले आहे.

आग लागलेल्या घरातील एक लहान मुलगा आणि महिला देखील होती. त्यांनाही अग्निशमन दलाच्या जवानांनी सुखरूप बाहेर काढले आहे. सध्या आगीवर नियंत्रण मिळवण्याचे काम अग्निशमन दलाकडून सुरू आहे. आता घटनास्थळी महापालिकेचे अधिकारी अदानी इलेक्ट्रिसिटीचे कर्मचारी आणि मुंबई पोलीस दलाचे अधिकारी देखील उपस्थित आहेत.