मुंबईमध्ये ऑक्टोबर महिन्यात हवेची गुणवत्ता फार घसरली होती. प्रदूषित हवा असल्याने नागरिकांच्या आरोग्यावर याचा परिणाम होत होता. हीच हवा आता पुन्हा एकदा बिघडली आहे. कुलाबा, माझगाव, वरळी, बीकेसीसह १३ ठिकाणचा एक्यूआय २०० पार पोहचला आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
मुंबई शहर आणि उपनगरांमधील हवा पुन्हा बिघडलीये. तब्बल 13 ठिकाणच्या वायू प्रदूषणामध्ये मोठी वाढ झाली आहे. वांद्रे, बोरिवली, अंधेरी, देवनार, कुर्ला, कुलाबा येथील हवा गुणवत्ता निर्देशांकाने (एक्यूआय) शुक्रवारी दोनशेची पातळी ओलांडली. नागरिकांच्या आरोग्याबाबत ही मोठी चिंतेची बाब आहे.
नेव्ही नगर, कुलाबा (293) येथे काल सर्वाधिक वायू प्रदूषण आढळून आले. त्यानंतर, माझगाव (283), सिद्धार्थ नगर, वरळी (281), बीकेसी (271), बीकेसीतील अमेरिकन वकिलाती कार्यालय (263), कुर्ला आणि देवनार (259) या ठिकाणच्या हवेचा स्तर आरोग्याला घातक प्रमाणात नोंदला गेला.
एक्यूआय दोनशेपार झालेल्या ठिकाणांमध्ये बोरिवली (244), मालाड (207), नेरूळ (238), वसई-पश्चिम (221) या ठिकाणांचा समावेश आहे.
AQI कसा मोजला जातो?
केंद्रीय प्रदूषण नियंत्रण मंडळ (CPCB) नुसार, 0-50 मधला AQI चांगला, 51 आणि 100 मधील समाधानकारक, 101 ते 200 मध्यम, 201 ते 300 दरम्यान खराब, 301 ते 400 अत्यंत खराब तर 400 पेक्षा जास्त गंभीर श्रेणीमध्ये मानला जातो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.