महाराष्ट्रामध्ये (Maharashtra ) महाविकास आघाडीच्या (MVA) प्रयोगाद्वारे शिवसेना, काँग्रेस आणि राष्ट्रवादी काँग्रेस सत्ता स्थापन करण्यात आली आहे. शिवसेना याकरिता २०१९ मध्ये एनडीएमधून (NDA) बाहेर पडली. २०२२ मध्ये होणाऱ्या उत्तर प्रदेश, उत्तराखंड, गोवा, मणिपूर आणि पंजाब या ५ राज्यांच्या निवडणुकीच्या पार्श्वभूमीवर शिवसेना यूपीएमध्ये (UPA) सहभागी होण्याची शक्यता वाढली आहे, अशी सूत्रांची माहिती आहे. शिवसेना खासदार संजय राऊत लवकरच राहुल गांधी आणि प्रियंका गांधी यांची भेट घेण्याची शक्यता वर्तवली जात आहे.

पहा व्हिडिओ-

उत्तर प्रदेश, उत्तराखंड, गोवा, मणिपूर आणि पंजाब या ५ राज्यांच्या निवडणुकाविषयी शिवसेना निर्णायक टप्प्यावर पोहोचल्याची माहिती आहे. संजय राऊत, राहुल गांधी आणि प्रियांका गांधी यांना भेटणार आहेत. संजय राऊत उद्या काँग्रेस नेते राहुल गांधी यांची भेट घेणार असल्याची माहिती आहे. तर. बुधवारी प्रियंका गांधी यांची भेट घेणार आहेत.

पश्चिम बंगालच्या मुख्यमंत्री ममता बॅनर्जी मुंबई दौऱ्यावर आल्यानंतर त्यांनी यूपीएवरुन काँग्रेसवर निशाणा साधला होता. ममता बॅनर्जींनी यूपीए आणि काँग्रेस संदर्भामध्ये केलेल्या वक्तव्यानंतर संजय राऊत यांनी भाजपला सत्तेतून घालवायच असल्याचे काँग्रेसची भूमिका महत्त्वाची नमूद केले होते. यानिमित्ताने शिवसेना आणि काँग्रेस मधील जवळीक दिसून आली होती. आता शिवसेना खासदार संजय राऊत आज राहुल गांधी आणि उद्या प्रियंका गांधी यांची भेट घेणार असल्याने शिवसेना यूपीएमध्ये मध्ये सहभागी होण्याच्या हालचाली वाढली असल्याची माहिती सूत्रांनी दिली आहे.

Edited By- Digambar Jadhav