मावळ : मावळ (maval) येथील देहूरोड कॅन्टोमेंट बोर्डाच्या नागरी समस्यांमध्ये सन २०१५ नंतर मोठ्या प्रमाणात वाढ झाली. या बोर्डात आलेल्या भाजपाच्या (bjp) सत्तेमुळे सर्व सामान्य नागरिकांचे कंबरडे मोडले आहे. या नागरिकांच्या समस्यांकडे शासनाचे (maharashtra government) लक्ष वेधण्यासाठी देहूरोड कॅन्टोमेंट बोर्ड (dehuroad cantonment board) कार्यालया समोर पिपल्स रिपब्लिकन पार्टी (देहूरोड) यांच्या वतीने आज जन आंदोलन छेडण्यात आले. (maval latest marathi news)

यावेळी आंदाेलनात महिलांची संख्या लक्षणीय होती. पवित्र रमजानचे उपवास असूनही नागरी समस्यासांठी मुस्लिम समाजातील महिला आणि पुरुष देखील आंदाेलनात मोठ्या संख्येने सहभागी झाले हाेते. जो पर्यंत प्रश्न मार्गी लागत नाही तो पर्यंत कॅन्टोमेंट बोर्डाच्या आवारातून बाहेर पडणार नसल्याचा निर्धार या वेळी आंदोलकांनी व्यक्त केला.

यावेळी गौसिया शेख, सिराज शेख, जमीला शेख यांच्यासह आंदाेलन म्हणाले पाणीपट्टीचे दर अवास्तव वाढविले आहेत. घरपट्टी तीन पट्टीने वाढविली आहे. मंगल कार्यालयाचे भाडेवाढ स्थगित करावी तसेच महात्मा फुले (mahatma phule) भाजी मार्केट स्थलांतरित करू नये अशा आमच्या मागण्या आहेत.

Edited By : Siddharth Latkar