पुणे : आज श्रावणातील शेवटचा श्रावणी सोमवार... बारा ज्योतिर्लिंगांपैकी एक असलेल्या ज्योर्तिलिंग भीमाशंकर या ठिकाणी पहाटेची महाभिषेक, श्रुंगार करत महाआरती करण्यात आली. यावेळी भिमाशंकराचे मंदिर, गाभारा विविध रंगाच्या फुलमाळांनी सजविण्यात आले आहे. आज शेवटच्या सोमवारी महापुजेनंतर भिमाशंकराचे शिवलिंग सजविण्यात आले. यावेळी शिवलिंगाचे रुप आगळेवेगळे पहायला मिळाले आहे.

हे देखील पहा-

प्रत्येक वर्षी लाखोंच्या संख्येने भाविक भक्तांनी गजबजलेल्या या मंदिर परिसरात कोरोनाच्या प्रादुर्भावामुळे शुकशुकाट पहायला मिळाला आहे. कोरोनामुळे भीमाशंकर मंदिर बंद ठेवण्यात आले आहे. जिल्हा आणि मंदिर प्रशासनानाने घेतलेल्या निर्णयात श्रावणातील भीमाशंकर यात्रा उत्सवही रद्द करण्यात आला आहे मात्र, श्रावण महिन्यातील पाचही सोमवारचा उत्सव भक्तांविना साजरा झाला आहे.

Edited By- Digambar Jadhav