पुणे मेट्रोच्या उद्घाटन सोहळ्यासाठी आज पंतप्रधान नरेंद्र मोदी (Narendra Modi) पुण्यामध्ये आले आहेत यावेळी त्यांनी छत्रपती शिवाजी महाराजांच्या आसनारुढ भव्य पुतळ्याचं अनावरण केलं. महाराजांच्या पुतळ्याचं अनावरण केल्यानंतर मोदी महाराजांच्या पुतळ्याजवळ जाऊन त्यांनी पुतळ्याला पुष्पहार अर्पण करत अभिवादन केलं.

मात्र यासर्व कार्यक्रमादरम्यान मोदींनी आपल्या सुरक्षेचा प्रोटोकॉल (Security Protocol) तोडून उपस्थित नगरसेवकांशी त्यांनी संवाद साधला. यावेळी त्यांनी सर्व नगरसेवकांना 'सबको मिलुंगा' असा खास शैलीत त्यांच्याशी संवाद साधला. आजचा मोदींचा दौरा हा पुणे महानगरपालिकेच्या (PMC) निवडणुकांसाठी महत्वाचा ठरणारा आहे आणि अशातच मोदींनी चक्क नगरसेवकांशी संवाद साधल्याने याची आता सगळीकडे चर्चा सुरु आहे.

हे देखील पहा -

दरम्यान आज मोदींच्या या दौऱ्यावेळी राज्यपाल भगतसिंह कोश्यारी, केंद्रीय केंद्रीय मंत्री रामदास आठवले, उपमुख्यमंत्री अजित पवार, विरोधी पक्षनेते देवेंद्र फडणवीस, महापौर मुरलीधर मोहोळ, खासदार उदयनराजे भोसले, भाजपचे प्रदेशाध्यक्ष चंद्रकांत पाटील देखील उपस्थित होते.

Edited By - Jagdish Patil