मुंबई: मनसे अध्यक्ष राज ठाकरे हे येत्या ५ जूनला अयोध्या (Ayodhya) दौऱ्याला जाणार होते. मात्र आता राज ठाकरेंच्या (Raj Thackeray) अयोध्या दौरा स्थगित झाल्याची माहिती सूत्रांकडून मिळत आहे. राज ठाकरेच्या पायाचं दुखणं वाढलं असून त्यामुळे राज ठाकरेंचा हा दौरा स्थगित झाला आहे. मनसेकडून (MNS) अद्याप याबाबत अधिकृत घोषणा केली गेलेली नाही, मात्र अशा चर्चा सुरू आहेत. (MNS Chief Raj Thackeray's visit to Ayodhya postponed?)

हे देखील पाहा -

...यामुळे राज ठाकरेंचा अयोध्या दौरा स्थगित

सूत्रांनी दिलेल्या माहितीनुसार राज ठाकरेंचा अयोध्या दौरा तूर्तास स्थगित करण्यात आला आहे. राज ठाकरेंच्या तब्येतीचं कारण सध्या पुढे येत आहे. याशिवाय उत्तर प्रदेशमधील भाजपचे खासदार बृजभूषण सिंग यांचा राज ठाकरेंच्या दौऱ्याला विरोध होता. त्याचप्रमाणे ज्ञानव्यापीचा मुद्दा देखील उत्तर प्रदेशात गाजतोय. अशात राज ठाकरेंच्या सभेमुळे पोलीस यंत्रणेवर ताण येऊ शकतो आणि कायदा-सुव्यवस्थेचा प्रश्न निर्माण होऊ शकतो. त्यामुळे मनसेने हा दौरा स्थगित केल्याचं बोललं जातंय. राज ठाकरेंच्या अयोध्या दौऱ्याची नवी तारिख अद्याप मनसेने जाहीर केलेली नाही. (Raj Thackeray News)

दरम्यान राज ठाकरेंचा उद्या (२१ मे, शनिवारी) होणारी पुण्यातली सभाही रद्द झाली आहे. नदीपात्रातील सभा रद्द झाल्यावर आता सभेऐवजी मनसेकडून मेळावा घेण्यात येणार आहे.

Edited By - Akshay Baisane