>> संजय गडदे

Zeeshan Siddique Preparing to Quit Congress:

राहुल गांधी यांच्या कुटुंबातील सदस्य हे भाजपमध्ये आहेत. म्हणून राहुल गांधी यांनाही पदावरून हटवले पाहिजे, असं काँग्रेसचे आमदार झिशान सिद्दीकी म्हणाले आहेत. काही दिवसांपूर्वीच झिशान सिद्दीकी यांचे वडील आणि माजी मंत्री बाबा सिद्दीकी यांनी काँग्रेसची साथ सोडत राष्ट्रवादीत प्रवेश केला.

यानंतर आता झिशान सिद्दीकी यांना मुंबई युवक काँग्रेस अध्यक्षपदावरून हटवण्यात आले, अशी बातमी आहे. यावरच पत्रकार परिषद घेऊन त्यांनी नाराज व्यक्त केली आहे आणि लवकरच काँग्रेस सोडणार असल्याचे संकेत दिले आहेत.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पत्रकार परिषदेत बोलताना ते म्हणाले आहेत की, ''वरिष्ठ नेते फोन करून सांगतात तुझे वडील राष्ट्रवादीत गेले असले तरी घाबरू नकोस, आम्ही तुझ्यासोबत आहोत.'' ते म्हणाले, अजून मला पदावरून काढल्याचे अधिकृत असे पत्र आले नाही. (Latest Marathi News)

ते म्हणाले, भारत जोडो यात्रेतून मला, नांदेडमधून जाण्यास सांगण्यात आले. 10 किलो वजन कमी कर, मग राहुल गांधी यांच्यासोबत चालायला ये, असं सांगण्यात आलं. राहुल गांधी यांच्यासोबतचे लोक काँग्रेस संपवणार आहेत. मी आता पर्याय पाहत आहे, असं म्हणत त्यांनी काँग्रेस सोडणार असल्याचे संकेत दिले आहेत.

ते म्हणाले, भारत जोडो यात्रेतून मला, नांदेडमधून जाण्यास सांगण्यात आले. 10 किलो वजन कमी कर, मग राहुल गांधी यांच्यासोबत चालायला ये, असं सांगण्यात आलं. राहुल गांधी यांच्यासोबतचे लोक काँग्रेस संपवणार आहेत. मी आता पर्याय पाहत आहे, असं म्हणत त्यांनी काँग्रेस सोडणार असल्याचे संकेत दिले आहेत.

अजित पवार यांचं केलं कौतुक

उपमुख्यमंत्री अजित पवार यांचं कौतुक करत ते म्हणाले, अजित पवार यांनी मौलाना आझाद मंडळाला खूप फंड दिला. सिद्दीकी म्हणाले, काँग्रेसमध्ये अमादरा आमदार खुश नाहीत. लवकरच अनेक नेते काँग्रेस सोडू शकतात.