औरंगाबादमध्ये एमआयएमचे खासदार इम्तियाज जलील (Imtiyaz Jaleel) आणि राज्याचे आरोग्यमंत्री राजेश टोपे (Rajesh Tope) यांच्यात एक बैठक झाली असल्याचे समोर आले आहे. या बैठकीत इम्तियाज जलील यांनी महाविकास आघाडीला सोबत येण्याची ऑफर दिली असल्याची माहिती समोर आली आहे. आता यावर आमदार नितेश राणे यांनी ट्विट (Tweet) करुन शिवसेनेवर टीका केली आहे.

वाह.. AIMIM ची महाविकास आघाडी मध्ये येण्याची तयारी.. कट्टरपंथींना पण शिवसेना आपलीशी वाटायला लागली आहे.. आता फक्त ISIS चा प्रस्ताव येणे बाकी आहे..खरंच, करून दाखवलं!! असं नितेश राणे यांनी ट्विट मध्ये म्हटलं आहे.

राजेश टोपे यांना इम्तियाज जलिल यांनी दिली ऑफर

आरोग्यमंत्री राजेश टोपे हे इम्तियाज जलिल (Imtiyaz Jaleel) यांच्या आईच्या निधनानंतर सांत्वनासाठी गेले होते. यावेळी त्यांच्यात राजकीय चर्चा सुरु झाली. यावेळी आरोग्यमंत्री राजेश टोपे यांना युतीची ऑफर दिली असल्याचे इम्तियाज जलिल (Imtiyaz Jaleel) यांनी सांगितले. पण यावर आरोग्यमंत्री काहीच बोलले नसल्याचे जलिल म्हणाले.

यावर आता आमदार नितेश राणे (Nitesh Rane) यांनी महाविकास आघाडीवर टीका करण्यास सुरुवात केली आहे. आज (शनिवार) सकाळी त्यांनी ट्विट करुन टीका केली आहे.

Edited By- Santosh Kanmuse