MLA Geeta Jain Hits Municipal Engineer: आमदार गीता जैन यांनी सरकारी अभियंत्याच्या कानशिलात लगावल्याचा व्हिडिओ व्हायरल झाला आहे. या व्हिडित गीता जैन या अभियंत्याला जाब विचारताना दिसत आहे. मात्र या दरम्यान त्यांचा राग अनावर झाला आणि त्यांनी अभियंत्याची कॉलर पकडत त्याच्या कानशिलात लगावली. यामुळे गीता जैन या वादाच्या भोवऱ्या त अडकल्या आहेत. तसेच त्यांनी आपल्या या कृतीवर स्पष्टीकरण देखील दिले आहे.

सविस्तर माहिती अशी की, महापालिका हद्दीतील एका कुटुंबाचं घर पाडण्यासाठी पालिकेच्या अभियंत्यासह पथक गेलं होतं. राहतं घर पडून बेघर होण्याच्या भीतीनं या कुटुंबानं आमदार गीता जैन यांच्याकडं धाव घेतली. जैन या घटनास्थळी दाखल झाल्या अन् नियमावर बोट ठेवत कारवाईचा बडगा कशासाठी? असा जाब विचारला. यावेळी अभियंत्याशी बोलताना त्यांचा संताप अनावर झाला आणि त्यांनी त्याच्या कानशिलात लगावली. (Marathi Tajya Batmya)

याबाबत स्पष्टीकरण देताना गीता जैन म्हणाल्या, "मी अभियंत्याशी बोलताना पावसाळ्यात अनधिकृत असली तरी त्या घरांमध्ये कोणी राहत असल्यास ती तोडू नयेत असे शासन आदेश आहेत, त्यांच्या निदर्शनास आणून देत होते. पण मी बोलत असताना अभियंता हसत असल्यानं आपला पारा चढला आणि मी त्याच्या कानशिलात लगावली'. (Latest Marathi News)