मुंबईच्या उल्हासनगर परिसरात शुक्रवारी (२ फेब्रुवारी) मध्यरात्रीच्या सुमारास एक भयानक घटना घडली. कल्याण पूर्वेचे भाजप आमदार गणपत गायकवाड यांनी शिवसेना शिंदे गटाचे कल्याण शहर प्रमुख महेश गायकवाड यांच्यावर गोळीबार केला. धक्कादायक बाब म्हणजे हिललाईन पोलीस ठाण्यातच हा प्रकार घडला. या गोळीबारात महेश गायकवाड गंभीर जखमी झाले. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
त्यांच्यावर रुग्णालयात उपचार सुरू आहे. दरम्यान, या गोळीबारानंतर भाजप आमदार गणपत गायकवाड यांनी माध्यमांना आपली प्रतिक्रिया दिली. यावेळी त्यांनी मुख्यमंत्री एकनाथ शिंदे (CM Eknath Shinde) यांच्यासह खासदार श्रीकांत शिंदे यांच्यावरही गंभीर आरोप केले.
"माझ्या मुलाच्या अंगावर महेश गायकवाड धावून आले. पोलीस स्टेशनबाहेरही त्यांनी शेकडो मुलं जमा केली होती. हा सगळा प्रकार मला सहन झाला नाही. म्हणूनच मी गोळीबार केला", असं आमदार गायकवाड यांनी सांगितलं. (Latest Marathi News)
"जर माझ्या नजरेसमोर माझ्या मुलाला ते हात लावत असतील, तर माझा जगून तरी काय फायदा? त्यामुळे आत्मसंरक्षणासाठी मी गोळीबार केला. मी केलेल्या गुन्ह्याचा मला अजिबात पश्चाताप होत नाही", असंही आमदार गणपत गायकवाड यांनी माध्यमांसमोर सांगितलं.
आमदार गणपत गायकवाड (Mla Ganpat Gaikwad) यांनी शिंदे पिता-पुत्रांवर देखील गंभीर आरोप केले. कल्याण पूर्वेत शिंदे बापलेक माझ्यावर अन्याय करत राहिले. माझे करोडो रुपये एकनाथ शिंदे यांच्याकडे आहेत. त्यांनी ते परत केले नाहीत. दुसरीकडे मी केलेल्या कामांचं क्रेडिट खासदार श्रीकांत शिंदे घेत होते. मला राजकीयदृष्ट्या संपविण्याचा डाव शिंदेंनी आखला होता, असं गायकवाड म्हणाले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.