मुंबई - गेल्या काही दिवसांपासून राज्यात कोरोना महामारीचा संसर्ग झपाट्याने वाढत असल्याचे दिसून येत आहे. कोरोना नियमांचे पालन करण्याचे आवाहन नेत्यांकडून करण्यात येत आहे. असे असताना काही राजकीय नेत्यांना देखील कोरोनाची लागण झाल्याचे आढळून येत आहे. त्यात आता नगरविकास मंत्री एकनाथ शिंदे यांना कोरोनाची लागण झाली आहे. फेसबुक पोस्ट शेअर करत शिंदे यांनी आपल्यला कोरोनाची लागण झाल्याची माहिती दिली आहे. (Latest News updatesEknath Shinde Corona Positive)

ते म्हणले की, माझी कोरोना चाचणी पॉझिटिव्ह आली आहे. वैद्यकीय उपचार सुरू असून माझी प्रकृती उत्तम आहे. आपल्या सर्वांच्या आशीर्वादाने कोरोनावर मात करून लवकरच मी आपल्या सेवेकरीता हजर होईन.गेल्या काही दिवसात माझ्या संपर्कात आलेल्या व्यक्तींनी काळजी घ्यावी व लक्षणे दिसल्यास तात्काळ कोरोना चाचणी करावी. माझी सर्वांना विनंती आहे की कायम मास्क घाला आणि आपली व आपल्या परिवाराची काळजी घ्या असे आवाहन एकनाथ शिंदे यांनी केले आहे.

Edited By - Shivani Tichkule