Mumbai Metro : गुढीपाडवा सणानिमित्त दरवर्षी व्यक्ती सोने चांदीसह नवीन वस्तू खरेदी करताना दिसतता. सुरुवातीला अनेक घरांमध्ये गुढीपाडव्याचा मुहूर्त साधत कार किंवा दुचाकी खरेदी केली जात होती. मात्र आता कार खरेदीचं हे प्रमाण हळू हळू कमी होत चाललं आहे. यंदा गुढीपाडव्याच्या मुहूर्तावर कार खरेदीमध्ये ५० टक्क्यांची घट झाली आहे. तसेच बाईक खरेदी देखील २८ टक्क्यांनी कमी झाली आहे. (Metro Effect)

मुंबई मेट्रोमुळे कार खरेदीकडे नागरिकांनी फिरवली पाठ

मुंबईमध्ये आता मेट्रोचं जाळं हळूहळू वाढताना दिसत आहे. त्यामुळे प्रवासात मोठा दिलासा मिळतोय. वाहनांची संख्या मोठ्या प्रमाणावर वाढली आहे. त्याने वाहतूक कोंडीच्या समस्यांचा सामना करावा लागतो. त्यामुळे आता नागरिक कार किंवा दुचाकी खरेदी करणे टाळताना दिसत आहेत. कार खरेदीचे प्रमाण ५० टक्क्यांनी कमी झाले आहे. तर दुचाकी खरेदीचे प्रमाण २८ टक्क्यांनी कमी झाले आहे.

सार्वजनिक वाहतुकीला मुंबईकरांची पसंती

मुंबईमध्ये आतापर्यंत मेट्रो १, २ A आणि मेट्रो ७ सुरू झाले आहेत. आता लवकरच मेट्रो ३ देखील येत आहे. मेट्रोचे जाळे मोठ्याप्रमाणावर वाढताना दिसत आहे. त्यामुळे वाहनांची गर्दी आणि वाहतूक कोंडी पेक्षा नागरिक सार्वजनिक वाहतुकीचे पर्याय निवडत आहेत.

वाहनांच्या किंमतींमध्ये मोठी वाढ

महागाई दिवसेंदिवस वाढताना दिसत आहे. त्यामुळे वाहनांच्या किंमती देखील वाढल्या आहेत. वाढत्या किंमती लक्षात घेता वाहनांवर इतका खर्च करणे सामान्य नागरिकांना परवडत नाही. तसेच पेट्रोलच्या किंमती देखील गगनाला भिडल्या आहेत त्यामुळे देखील नागरिक खासगी वाहन खरेदी टाळत आहेत.