पुणे : पुण्यातील सिंहगड रस्ता परिसरात इमारतीच्या टेरेसवरून उडी मारून एका 26 वर्षीय महिलेने आत्महत्या केली आहे. आज सकाळी नऊ वाजण्याच्या सुमारास हा प्रकार घडला. सिंहगड रस्ता पोलीस ठाण्यात याप्रकरणी घटनेची नोंद करण्यात आली आहे. राधिका पवन ससाने असे आत्महत्या केलेल्या महिलेचे नाव आहे.

हे देखील पहा :

महिलेच्या लग्नाला 10 वर्ष झाले असून तिला 2 मुलं आहेत, सिंहगड रस्ता परिसरातील माधुरी मिलिंद कॉम्प्लेक्स परिसरात ती महिला राहत होती. सिंहगड रस्त्यावरील अभिरुची मॉल समोर ही इमारत आहे. आज सकाळी नऊ वाजण्याच्या सुमारास या महिलेने टेरेसवरून खाली उडी मारली. यामध्ये गंभीर जखमी झाल्याने डॉक्टरांनी उपचारापूर्वीच तिचा मृत्यू झाल्याचे घोषित केले.

दरम्यान, घटनेची माहिती मिळताच सिंहगड रस्ता पोलिसांनी तत्काळ घटनास्थळी धाव घेतली. या महिलेने नेमकी आत्महत्या का केली असल्याची माहिती समोर आली नाही. पोलिसांनी शवविच्छेदनासाठी मृतदेह ससून रुग्णालयात पाठवला. पोलीस अधिक तपास करत आहेत.

Edited By : Krushnarav Sathe