पुणे: मराठा महासंघातून राजेंद्र कोंढरेची हकालपट्टी करण्यात आली आहे. महासंघाचे राष्ट्रीय अध्यक्ष शशिकांत पवार यांनी याबाबत चे पत्र काढले आहे. महासंघाच्या राष्ट्रीय अध्यक्षपदी शशिकांत पवार आहेत, तर राष्ट्रीय सरचिटणीस राजेंद्र कोंढरे होते. 2019 मध्ये जी बैठक झाली होती त्यानुसार 2022 पर्यन्त या नियुक्त्यांचा कार्यकाल होता. राजेंद्र कोंढरे यांनी पुण्यात परस्पर बैठक घेतली, स्वतःला राष्ट्रीय अध्यक्ष म्हणून घोषित केले, त्यामुळे शशिकांत पवार यांनी पत्रक काढून महासंघाच्या घटना नियमांची पायमल्ली केली. विश्वासात न घेता स्वतःची आणि इतरांची नियुक्ती केली या कारणास्तव कोंढरे यांची मराठा महासंघातून हकालपट्टी केली आहे.

संघटनेच्या वतीने काढण्याता आलेल्या पत्रकात लिहिले आहे की, महासंघाच्या घटनेनुसार जर एखाद्या पदाधिकाऱ्यांनी संघटनेच्या ध्येय धोरणाच्या विरोधात गैरवर्तन केल्यास त्याला पदावरुन दूर करण्याचा अधिकार हा अध्यक्षांना कलम २० अन्वये देण्यात आला आहे. आणि याच कलमाच उपयोग करुन राजेंद्र कोंढरे यांटी सरचिटणीस पदावरुन हकालपट्टी करण्यात आली आहे.

Edited By: Pravin Dhamale