मराठा आरक्षणासाठी सरकारने दिलेली डेडलाईन हुकली आहे. त्यानंतर मराठा समाज आक्रमक झाला आहे. मराठा आंदोलक मनोज जरांगे पाटील हे आता मुंबईत उपोषण करणार आहेत. त्यासाठी मराठा बांधव मोठ्या संख्येने जालना येथील अंतरवाली सराटी येथून पायी मुंबईच्या दिशेने येणार आहेत.
मनोज जरांगे पाटील यांच्या आंदोलनासाठी सकल मराठा समाजाने मुंबईतील तीन मैदानांची परवानगी मागितली आहे. आझाद मैदान, एमएमआरडीए बीकेसी मैदान आणि दादर शिवाजी पार्क मैदानाची मागणी केली आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
मुंबईतील सकल मराठा समाज व मनोज जरांगे पाटील यांच्या शिष्ठमंडळाने तीनही मैदानांची काही दिवसांपूर्वी पाहणी केली होती. मनोज जरांगे पाटील यांनी आझाद मैदानात आंदोलनाची भूमिका जाहीर केल्यानंतर ओबीसी नेते प्रकाश शेंडगे यांनीही आझाद मैदान आंदोलनासाठी मिळावं यासाठी मागणी केली.
मनोज जरांगे यांच्या मुंबईतील उपोषणस्थळी मुंबईत या उपोषणावेळी ३ कोटी मराठा आंदोलक येईल, असा दावा देखील जरांगे यांनी केला आहे. त्यामुळे एवढी मोठी गर्दी सामावून घेऊल अशा भव्य मैदानाची गरज सध्या मराठा आंदोलकांना आहे. आता आझाद मैदान, एमएमआरडीए बीकेसी मैदान आणि दादर शिवाजी पार्क मैदानापैकी कोणत्या मैदानाची परवानगी मराठा आंदोलनकांना मिळते हे पाहणे औत्सुक्याचे ठरेल.
मुंबईत जाणाऱ्या मराठा आंदोलकांची संख्या मोठी आहे. त्यामुळे आम्हाला तीन मैदाने लागतील. मुंबईतील शिवाजीपार्क, बीकेसी आणि आझाद मैदान हे तीन मैदाने लागतील. मात्र, आमरण उपोषण हे आझाद मैदान किंवा शिवाजी पार्क या दोन्ही पैकी एका मैदानात होईल', असं मनोज जरांगे पाटील यांनी म्हटलंय.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.