अमोल कविटकर

पुणे : पुणे पोलिसांच्या शिवाजीनगर पोलिसांनी एका महाठगाला शिताफीने अटक केली आहे. जाफर अलिखान इराणी असं या आरोपीचं नाव असून तो कस्टम आणि पोलीस अधिकारी असल्याचं सांगून बड्यांना लुटत असे. (Crime News In Marathi)

तो पुण्यातील शिवाजीनगरमधील इराणी वस्तीत आल्याची माहिती पोलिसांना (Police) मिळाली होती, त्यानंतर फौजफाट्यासह सापळा लावून अटक केली आहे. महाराष्ट्रासह हरियाणा आणि दिल्लीत या आरोपीवर गुन्हे दाखल आहेत.

हे देखील पहा-

हरियाणात तर जाफर इराणी मोस्ट वॉन्टेड (Most Wanted) होता. जाफर इराणी याच्यावर १५ ते २० गुन्हे दाखल झाल्याची माहिती प्राथमिक तपासात पुढे आली आहे. हरियाणा येथे सराफ व्यावसायिकांना कस्टम अधिकारी असं सांगून तब्बल १ किलो सोने लुटले होते. तर नगर जिल्ह्यातील श्रीगोंदा येथे एका वाहन चालकाला अडवून पोलीस अधिकारी असल्याचं सांगून २७ हजार रुपये उकळण्यात आले होते. शिवाजनगर पोलिसांनी या महाठगाला अटक करुन श्रीगोंदा पोलिसांच्या ताब्यात दिलंय.