पुण्यातील सासवड येथील मल्हारगडावर एक धक्कादायक घटना घडली आहे. गडावर कपल रोमान्स करत होते. जोडप्याला रोमान्स करत असताना दुर्गप्रेमीने पाहिले आणि हटकले. हटकल्यामुळे कपलला राग अनावर झाला. कपलनं थेट त्यांच्यावर प्राणघातक हल्ला केला. यात दुर्गप्रेमी गंभीर जखमी झाला. त्यांच्यावर खासगी रूग्णालयात उपचार सुरू आहेत. या घटनेनंतर परिसरात खळबळ उडाली आहे.

नेमकं घडलं काय?

पुण्यातील सासवड येथे मल्हारगडावर एका जोडपं अश्लील चाळे करत होते. जोडपं अश्लील चाळे करत असताना एक दुर्गप्रेमी प्रमोद जगताप त्या ठिकाणी पोहोचला. त्यानं कपलचे काही फोटो आणि व्हिडिओ शुट केला आणि त्यांना हटकले.

व्हिडिओ आणि हटकल्याचा राग जोडप्याला आला. त्यानंतर कपलनं दुर्गप्रेमीला मारहाण केली. दोघांनी मिळून प्रमोदवर हल्ला चढवला. दगडाने ठेचलं आणि गळाही दाबला. या मारहाणीत तो रक्तबंबाळ झाला. त्यानंतर आरोपी तेथून पसार झाले. या घटनेची माहिती मिळाल्यानंतर पोलीस घटनास्थळी दाखल झाले. त्यांनी प्रमोदला रूग्णालयात नेले. प्रमोदवर अतिदक्षता विभागात उपचार सुरू आहेत.

या प्रकरणी पोलिसांनी आरोपींविरोधात गुन्हा नोंद केला असून, पुढील तपास पोलीस करीत आहे. गडावर अश्लील चाळे आणि दुर्गप्रेमीला मारहाण. या कारणामुळे सासवड परिसरातील नागरीकांना संताप अनावर झाला आहे.