मुंबईतल्या मालाड परिसरात छत्रपती शिवाजी महाराजांच्या जिरे टोपावर जैन समाजाचा झेंडा लावल्यानं मोठा वाद निर्माण झाला होता. हा संतापजनक प्रकार समोर आल्यानंतर शिवप्रेमी आणि मनसेच्या कार्यकर्त्यांनी आक्रमक भूमिका घेतली होती. त्यामुळे परिसरात काही काळ तणावाचं वातावरण निर्माण झालं होतं. मात्र, आता हा वाद आणखी वाढू नये आणि समाजात तेढ निर्माण होऊ नये, यासाठी जैन समाजाच्या वरिष्ठ पदाधिकाऱ्यांनी थेट मनसे अध्यक्ष राज ठाकरेंच्या भेटीसाठी थेट शिवतीर्थ गाठलं.

या भेटीदरम्यान जैन पदाधिकाऱ्यांनी गुजराती लेटरहेडवर मराठीतून लिहिलेला माफीनामा राज ठाकरे यांच्याकडे सुपूर्द केला. मात्र, या सगळ्या प्रकारावरून राज ठाकरेंनी जैन समाजाच्या पदाधिकाऱ्यांची कानउघाडणी केलीये... नेमकं काय घडलं शिवतीर्थावरील बैठकीत ते पाहूयात..

इतकंच नव्हे तर गेल्या काही दिवसांपासून मुंबईतील घाटकोपर-विद्याविहार आणि दादरमधील गुजराती-जैन सोसायट्यांच्या बाहेर रस्त्यांवर 'पांढऱ्या पट्ट्या' मारल्याचे प्रकार समोर आले होते. या प्रकारावरूनही राज ठाकरेंनी जैन समाजाला कडक शब्दांत तंबी दिलीये. त्यामुळे जैन समाज य़ापुढे नको ते वाद उकरून राजकारण करणार नाहीत अशी अपेक्षा व्यक्त करायला हरकत नाही.