मुंबई: राष्ट्रवादीचे सर्वेसर्वा शरद पवार यांना यूपीएचे अध्यक्ष करा अशी मागणी राष्ट्रवादी युवक काँग्रेसच्या बैठकीत करण्यात आली आहे. राष्ट्रवादी युवक कॉंग्रेसचे अध्यक्ष मेहबूब शेख (Mehboob Shaikh) यांनी ही मागणी केली आहे. राष्ट्रवादी युवक कॉंग्रेसच्या राष्ट्रीय (NCP Youth Congress) कार्यकारणीच्या बैठकीत ते बोलत होते. ("Make Sharad Pawar President of UPA" - Demand of Mehboob Sheikh, President of Youth Congress)

हे देखील पहा -

राज्यात भाजपला सत्तेपासून दूर ठेवण्यासाठी शरद पवार (Sharad Pawar) यांनी शिवसेनेसोबत युती करत शिवसेना-कॉंग्रेस-राष्ट्रवादी अशा तीन पक्षांचे सरकार स्थापन केले. यामुळे सर्वात जास्त जागा मिळवूनही भाजपला विरोधी पक्षाच बसावं लागल. आता देश पातळीवर असा प्रयोग करण्यासाठी शरद पवार यांचे प्रयत्न सुरु आहेत.

भाजपला सत्तेपासून दूर ठेवण्यासाठी यूपीए अर्थात संयुक्त प्रगतिशील गठबन्धन (United Progressive Alliance) या भाजपविरोधी पक्ष संघटना आहेत. यात कॉंग्रेस, राष्ट्रवादी कॉंग्रेससह अनेक छोट-मोठे पक्ष सामील आहेत. त्यामुळे आता शरद पवारांना यूपीएचे अध्यक्ष बनवा अशी मागणी होत आहे.

Edited By - Akshay Baisane