आगामी स्थानिक स्वराज्य संस्थांच्या निवडणुकीच्या पार्श्वभूमीवर राजकीय घडामोडींना वेग आला आहे. मनसेच्या पदाधिकाऱ्यांसह ठाणे महापालिकेतील राष्ट्रवादी काँग्रेसचे माजी नगरसेवक आणि टीडीसी बँकेचे माजी संचालक बाबाजी पाटील यांनी पुत्रासह धनुष्यबाण हाती घेतलं आहे. राज्याचे उपमुख्यमंत्री एकनाथ शिंदे आणि खासदार डॉ. श्रीकांत शिंदे यांच्या प्रमुख उपस्थितीत हा पक्षप्रवेश सोहळा पार पडला.

महापालिका निवडणुका जवळ येताच राजकीय घडामोडीही वेगाने घडताना दिसत आहे. आज मनसेच्या राजन मराठे, ज्योती मराठे या माजी नगरसेवकांसह अनेक पदाधिकारी आणि कार्यकर्त्यांनी शिवसेना शिंदे गटात प्रवेश केला आहे. त्यांच्यासोबत ठाणे महापालिकेतील राष्ट्रवादी काँग्रेस शरद पवार गटाचे माजी नगरसेवक बाबाजी पाटील यांनी त्यांच्या पुत्रासह शिवसेनेचं धनुष्यबाण हाती घेतलंय.

लोकसभा निवडणुकीत खासदार डॉ. श्रीकांत शिंदे यांच्याविरोधात बाबाजी पाटील उभे होते. श्रीकांत शिंदे यांच्याविरोधात त्यांनी निवडणुक लढवली होती. मात्र, आज त्यांनी शिवसेना शिंदे गटात प्रवेश केला आहे. हा पक्षप्रवेश सोहळा उपमुख्यमंत्री एकनाथ शिंदे, खासदार डॉ. श्रीकांत शिंदे, कल्याण ग्रामीणचे आमदार राजेश मोरे यांच्या उपस्थितीत पार पडला.

हा पक्षप्रवेश सोहळा उपमुख्यमंत्री एकनाथ शिंदे यांच्या निवासस्थानी पार पडला. यावेळी एकनाथ शिंदे यांनी शिवसेना शिंदे गटाची ताकद वाढली असल्याचं म्हटलंय. यावेळी त्यांनी प्रवेश करणाऱ्या नेत्यांचे स्वागत केलं आहे.

यावेळी एकनाथ शिंदे म्हणाले, 'युती सरकारच्यावतीनं राज्यात विकासकामे केली जात आहे. आम्ही विकासकामांमध्ये कधीही राजकारण केलं नाही. कधी करणारही नाही. महत्वाकांक्षी प्रकल्पाची कामे सुरू आहेत. नागरिकांचा विश्वासआहे. लोकांना राजकारण नाही तर, विकासकामे हवीत. त्यामुळे शिंदे गटात मोठ्या संख्येनं इनकमिंग सुरू आहे' असं एकनाथ शिंदे म्हणाले.