अक्षय बडवे, पुणे

महाराष्ट्र विधानसभा निवडणुकीचं बिगुल वाजलं असून २० नोव्हेंबरला निवडणूक होणार आहे. तर २३ नोव्हेंबरला राज्याच्या विधानसभा निवडणुकीचा निकाल लागणार आहे. या निवडणुकीत महायुती आणि महाविकास आघाडी पहिल्यांदाच आमनेसामने येणार असल्याने राजकीय वर्तुळात जोरदार मोर्चेबांधणी सुरु आहे. अशातच काँग्रेसचे नेते आणि आमदार रवींद्र धंगेकर यांनी या विधानसभा निवडणुकीसाठी काँग्रेसची पहिली यादी जाहीर केली. रवींद्र धंगेकरांनी आपल्या अधिकृत एक्स अकाऊंटवर यादीची पोस्ट शेअर करून काँग्रेसच्या १० उमेदवारांची नावं जाहीर केली. पण त्यांनी अवघ्या काही मिनिटांतच आपली पोस्ट जिलीट केली. पण त्यांची ही पोस्ट सोशल मीडियावर व्हायरल होत आहे.

रवींद्र धंगेकरांनी प्रसिद्ध केलेल्या यादीत विधानसभा निवडणुकीसाठी कोणत्या उमेदवारांना संधी मिळाली याची माहिती समोर आली आहे. या यादीनुसार काँग्रेसने साकोली, ब्रम्हपूरी, संगमनेर, दक्षिण कराड, लातूर, तेओसा, दक्षिण कोल्हापूर, मध्य सोलापूर शहर, दक्षिण सोलापूर आणि पुणे या ठिकाणच्या उमेदवारांची नावं जाहीर केली आहेत. रवींद्र धंगेकरांनी काँग्रेसची यादी जाहीर केली खरी पण ही यादी खोटी असल्याचे कळताच त्यांनी ती लगेच डिलीट केली. मात्र त्याच्या पोस्टचा स्क्रीनशॉट सध्या सोशल मीडियावर व्हायरल होतोय.

रवींद्र धंगेकरांनी पोस्ट केलेली काँग्रेसची यादी -

साकोली - नाना पटोले

ब्रम्हपूरी - विजय वड्डेटीवार

संगमनेर - बाळासाहेब थोरात

दक्षिण कराड - पृथ्वीराज चव्हाण

लातूर - अमित देशमुख

तेओसा - यशोमती ठाकूर

दक्षिण कोल्हापूर - ऋतुराज पाटील

मध्य सोलापूर शहर - बाबा मिस्त्री

दक्षिण सोलापूर - धर्मराज कडाडी

कसबा पेठ - रवींद्र धंगेकर