रश्मी पुराणिक -

मुंबई : महाविकास आघाडी सरकारच्या बहुमत चाचणी आधीच मुख्यमंत्री उद्धव ठाकरे (Uddhav Thackeray) आपल्या मुख्यमंत्रीपदाचा राजीनामा देणार असल्याची शक्यता असल्याची माहिती सुत्रांकडून मिळत आहे. शिवाय मुख्यमंत्री बहुमत चाचणीला (Majority Test) सामोरे जाणार नसल्याचंही सुत्रांकडून सांगण्यात येत आहे.

जर कोर्टाने बहुमत चाचणी घेण्याचा राज्यपाल भगतसिंग कोश्यारी (BhagatSingh Koshyari) यांचा कालचा निर्णय कायम ठेवला तर मग ते फक्त निरोपाचं भाषण करणार असल्याची माहिती सुत्रांकडून मिळतं आहे. उद्या महाविकास आघाडी सरकारची अग्निपरिक्षा होती मात्र, आता ते या बहुमत चाचणी आधीच माघार घेणार की काय? अशा चर्चांना उधाण आलं आहे. मात्र हा सर्व निर्णय आजच्या सुप्रीम कोर्टाच्या निकालावर अवलंबून असल्याचं देखील सांगण्यात येत आहे.

पाहा व्हिडीओ -

दरम्यान, उद्या मुंबई आयुक्त संजय पांडे (Sanjay Pandey) यांचाही कार्यकाळ संपत आहे. जर उद्या महाविकास आघाडी सरकार बहुमत सिद्ध करू शकलं नाही. तर नव्या मुख्यमंत्र्यांसोबत नवे पोलिस आयुक्तही येतील. नव्या पोलिस आयुक्तपदी अनेकांची नावे सध्या चर्चेत आहेत.

Edited By - Jagdish Patil