CM Eknath Shinde Undergoes Minor Eye Surgery in Thane:

राज्याचे मुख्यमंत्री एकनाथ शिंदे यांच्या डोळ्यांवर ठाणे येथे किरकोळ शस्त्रक्रिया करण्यात आली. शुक्रवारी सकाळी ठाण्यातील प्रख्यात नेत्रतज्ञांनी मोतीबिंदू आणि चष्म्याचा नंबर कमी करण्यासाठी मुख्यमंत्री शिंदे यांच्यावर शस्त्रक्रिया केली. ही लेझर शस्त्रक्रिया असल्याने डॉक्टरांनी त्यांना एक दिवस विश्रांतीचा सल्ला दिला आहे.

सततचे दौरे आणि दिवसभरातील व्यस्त वेळापत्रकामुळे मुख्यमंत्री सतत राज्यभर दौऱ्यावर असतात. नुकतेच ते शिवसेनेचे खानापूरचे आमदार अनिल बाबर यांच्या अंत्यदर्शनासाठी विट्याला गेले होते. त्यानंतर शुक्रवारी ते ठाण्यात आले. येथे मुख्यमंत्र्यांच्या डोळ्यावर लेझरने शस्त्रक्रिया करण्यात आली.

डॉक्टरांनी मुख्यमंत्र्यांना एक दिवस आराम करण्याचा सल्ला दिला आहे. सध्या मुख्यमंत्री एकनाथ शिंदे हे त्यांच्या ठाण्यातील निवासस्थानी असून, तेथून ते काम सुरू ठेवणार आहेत.