मुंबई: रायगड जिल्ह्याच्या हरिहरेश्वरच्या समुद्र किनाऱ्यावर (Harihareshwar Beach) १८ ऑगस्टला सकाळी संशयीत बोट (Boat) आढळून आली होती. यात शस्त्रसाठा सापडल्यामुळे राज्यभरात या बोटीबाबत तर्कवितर्क लढवले जात आहेत. बोटमध्ये सापडलेल्या रायफल आणि काडसूतामुळे या बोटद्वारे राज्यात काही घातपात करण्याचा कोणाचा डाव होता का? असा संशय व्यक्त केला जात आहे. या प्रकरणी आता महाराष्ट्र एटीएसने (ATS) अज्ञात व्यक्तीविरुद्ध शस्त्रास्त्र कायद्यांतर्गत गुन्हा दाखल केला आहे. (Raigad Latest News)

हे देखील पाहा -

रायगडमध्ये एक बोट सापडली होती, ज्यामध्ये 3 AK-47 व 247 जिवंत काडतुसे सापडली होती. एटीएसने अधिकृतरित्या या बोटीशी संबंधित लोकांची संपूर्ण माहिती मागवली आहे. बोटीशी संबंधित कंपनीकडे जी काही माहिती असेल, त्या कागदपत्रांची भारतीय एजन्सीकडून मागणी करण्यात आल्याचे सूत्रांनी सांगितले. समुद्र किनाऱ्यावर आढळलेल्या या संशयीत बोटमध्ये 3 Ak 47 रायफली, 225 जिवंत काडतुसांसह आणि 10 संशयीत बॉक्स सापडले होते. बोटमध्ये सापडलेल्या रायफल आणि काडसूतामुळे या बोटद्वारे राज्यात काही घातपात करण्याचा कोणाचा डाव होता का? असा संशय व्यक्त केला जात आहे.