अक्षय बडवे

Pune News :

महाराष्ट्र राज्य मागासवर्ग आयोगातील राजीनामा सत्र सुरुच आहे. आधीच चार सदस्यांनी राजीनामा दिला असताना आता महाराष्ट्र राज्य मागासवर्ग आयोगाचे अध्यक्ष आनंद निरगुडे (निवृत्त) यांनी मागासवर्ग आयोगाचा राजीनामा दिला आहे. मागासवर्ग आयोगाच्या अध्यक्षांनी राजीनामा दिल्याने मागासवर्ग आयोग बरखास्त होणार का? असा प्रश्न उपस्थित होत आहे.

आनंद निरगुडे यांनी शासकीय हस्तक्षेपामुळे त्रस्त होऊन राजीनामा दिला असल्याची माहिती समोर येत आहे. निरगुडे यांचा राजीनामा मुख्य सचिव यांनी स्वीकृत केला आहे. त्या अनुषंगाने OBC मंत्रालयातील अवर सचिव नरेंद्र आहेर यांनी पत्रकान्वये राज्य मागासवर्ग आयोगाच्या कार्यालयास कळवले आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

याआधी बबनराव तायवाडे, संजय सोनावणे, लक्ष्मण हाके, बी एल किल्लारीकर यांनी आपल्या सदस्य पदाचा राजीनामा दिला आहे. (Latest News Update)

मराठा आरक्षणासाठी मनोज जरांगे पाटील यांनी सरकारला 24 डिसेंबरची डेडलाईन दिली आहे. एकीकडे ही डेडलाईन तोंडावर आली आहे. तर दुसरीकडे राज्य मागासवर्ग आयोगात मात्र सदस्यांचे राजीनामा सत्र सुरू आहे.

राज्य सरकार आणि आयोगाचे सदस्य यांच्यामध्ये आरोप-प्रत्यारोप सुरू आहेत. सर्वोच्च न्यायालयात आयोगाच मराठा समाजाचं मागासलेपण सिद्ध करणार आहे त्यामुळे हा वाद राज्यासाठी निश्चितच चिंतेची बाब आहे.

आयोगाच्या सदस्यांवरती सरकार दबाव टाकत आहे . आयोगाला कामकाजासाठी अजेंडा ठरवून दिला जातोय असा थेट आरोप आयोगाचे राजीनामा दिलेले सदस्य करत आहेत.