कल्याण: कल्याण जवळील मलंगगड भागात गेल्या काही दिवसांपासून विजेचा लपंडाव सुरू आहे. एकीकडे गर्मी वाढली असताना दुसरीकडे महावितरणकडून (MSEDCL) रात्रीच्या सुमारास लोडशेडिंग (Load Shedding) केले जात असल्याने नागरिक चांगलेच हैराण झाले आहेत. त्यामुळे शिवसेनेच्या कल्याण पूर्वेतील शिष्टमंडळाने गुरुवारी महावितरणच्या अधिकाऱ्यांची भेट घेतली असून तातडीने लोडशेडिंग रद्द करण्याची मागणी केली आहे, अन्यथा तीव्र आंदोलनाचा इशारा माजी नगरसेवक महेश गायकवाड (Mahesh Gaikwad) यांच्याकडून देण्यात आला आहे. (Load shedding issue in malanggad shivsena gives ultimatum to msedcl for regular power supply)

हे देखील पहा -

दिवसेंदिवस उन्हाचा पारा हा झपाट्याने वाढत आहे, त्यामुळे उष्णतेने नागरिक चांगलेच हैराण झाले आहेत. असं असताना कल्याण (Kalyan) जवळील मलंगगड (MalangGad) भागात गेल्या काही दिवसांपासून महावितरणकडून रात्री दहा वाजल्यापासून ते रात्री एक वाजेपर्यंत लोडशेडिंग केले जात आहे. त्यामुळे नागरिकांमध्ये चांगलीच संतापाची लाट उसळली आहे. सध्या विद्यार्थ्यांच्या परीक्षा सुरू झाल्या असून विद्यार्थी परीक्षांच्या तयारी करत आहेत.

अनेकांच्या घरांमध्ये लहान मुले देखील आहेत. त्यामुळे महावितरणच्या लोडशेडिंगचा फटका या मुलांना तर पडतच आहे याशिवाय सर्वसामान्य नागरिकांना मोठा फटका बसत आहे. यासाठी गुरुवारी शिवसेनेच्या शिष्टमंडळाने महावितरणच्या अधिकाऱ्यांची भेट घेत त्यांना निवेदन दिले आणि जर लोशेडिंग बंद केले नाहीतर शिवसेना उग्र आंदोलन करेल असे शिवसेनेचे माजी नगरसेवक महेश गायकवाड यांनी सांगितले.

Edited By - Akshay Baisane