पुणे: पुण्यातील घोले रस्त्यावर महापालिकेचे (Pune Muncipal Corporation) मामाराव दाते मुद्रणालय आहे. येथे सुरक्षा रक्षक मध्यरात्री तीन ते चार वाजेपर्यंत मद्याच्या पार्ट्या करतात. पार्ट्या करण्यासाठी सुरक्षा विभागाचे वरिष्ठ अधिकारी देखील सामील असल्याचा आरोप करण्यात आला आहे. तसेच, सांस्कृतिक भवनातील काही वस्तू चोरीला गेल्याचा प्रकार ही उघडकीस आला आहे.  शिवाजीनगर पोलिस स्टेशनमध्ये दोन अज्ञातां विरोधात तक्रार दाखल करण्यात आली आहे. प्रशासन, स्थानिक आमदार, नगरसेवक यांनी याकडे लक्ष देऊन कारवाई करावी अशी मागणी नागरिक करत आहेत.

सांस्कृतिक भवनातील सुरक्षा रक्षक ओंकार गुरूड हे गुरुवार (ता.२३) रोजी पंडित जवाहरलाल नेहरू आर्ट गॅलरी येथे रात्रपाळीत सुरक्षा बजावत असताना सांस्कृतिक भवनातील हातगाडी, पाणीपुरी गाडी चोरून नेतांना त्या चोरांला पकडताना त्यांच्यावर प्राणघातक हल्ला झाल्याने त्यांनी शिवाजीनगर पोलिस स्टेशनमध्ये दोन अज्ञाता विरोधात तक्रार दाखल केली. प्रशासन, स्थानिक आमदार, नगरसेवक यांनी लक्ष देऊन कारवाई करावी अशी मागणी ओंकार गुरूड यांनी केली आहे. "परवा सुरक्षा रक्षकांचे सुपरवायझर आले होते तेव्हा त्यांनी चौकशी केली. तोपर्यत आम्हाला काहीच माहित नव्हतं. या आगोदर अशी घटना घडली नव्हती. सबंधित घटनेची चौकशी करायला सांगितले आहे".

Edited By: Pravin Dhamale