मुंबई - महाराष्ट्र विधिमंडळाचे अर्थसंकल्पीय अधिवेशन सुरू झाले आहे. काल विधीमंडळ अधिवेशनाच्या पहिल्याच दिवशी एका महिलेने अंगावर राॅकेल ओतून स्वत:ला पेटवून घेण्याच प्रयत्न केला. मात्र, वेळीच पोलिसांनी (Police) तिला रोखल्याने मोठा अनर्थ टळला. साराबाई पाखरे असे या ६० वर्षीय महिलेचे नाव आहे. पाखरे हिच्यावर घाटकोपर येथील एका पोलीस ठाण्यात गुन्हा दाखल आहे. हा गुन्हा पोलिसांनी चुकीच्या पद्धतीने नोंदवून तिला अडकवल्याचा आरोप होता. या प्रकरणी संबधित पोलिसांवर कारवाई व्हावी.

तसेच आपल्यवरील गुन्हा रद्द व्हावा. या मागणीसाठी तिने विविध ठिकाणी प्रयत्न करून यश न आल्यने पाखरे यांनी काल सायंकाळच्या सुमारास मंंत्रालयच्या मुख्य इमारती समोर अंगावर राॅकेल ओतून स्वत:ला पेटवून घेण्याचा प्रयत्न केला. मात्र वेळीच पोलिसांनी तिला रोखले, या प्रकरणी मरीनड्राइव्ह पोलिसांनी साराबाई पाखरे हिला ताब्यात घेतले असून तिला सीआरपीसी ४१ (ब) अन्वेय नोटीस देऊन सोडण्यात आले आहे.