लाखो हदयाची धडकन असणाऱ्या सैराटफेट आर्चीला म्हणजेच अभिनेत्री रिंकू राजगुरूला रिअल लाईफमध्ये परश्या मिळाल्याच्या चर्चानी जोर धरलाय. मात्र परश्यानं या सर्व चर्चा नाकारल्यात...कोल्हापुराच्या रांगड्या मातीत नेमकं काय घडतंय...पाहूया...

सैराट चित्रपटातील अर्ची म्हणजेच रिंकू राजगुरू सध्या एका वेगळ्याच कारणामुळे चर्चेत आलीये.. कोल्हापुरातील भाजपचे नेते धनंजय महाडिकांचे चिरंजीव कृष्णराज महाडिकांनी पोस्ट केलेल्या एका फोटोनंतर ही चर्चा चालू झालीये.. त्यानंतर आता रिंकू राजगुरूच्या इन्स्टाग्राम स्टोरीचेही वेगवेगळे अर्थ काढले जातायत..रिंकू राजगुरूने तिच्या इन्स्टाग्रामवर एक फोटो पोस्ट केला आहे. या फोटोमध्ये ती पंजाबी ड्रेसमध्ये दिसतेय.. तिच्या कपाळावर कुंकू दिसतंय.. विशेष म्हणजे तिच्या कपाळी अर्धचंद्राच्या आकाराची लाल रंगाची टिकलीही दिसतेय.

रिंकू राजगुरू या फोटोमध्ये नजर खाली झुकवलेल्या स्थितीत दिसत आहे. तिच्या याच सूचक स्टेटसची सध्या सगळीकडे चर्चा रंगलीये..दरम्यान याआधी कृष्णराज महाडिक यांनी 10 फेब्रुवारी रोजी रिंकू सोबतचा महालक्ष्मी मंदिरातला फोटो पोस्ट केला होता. अखेर या फोटो मागची इनसाईड स्टोरी समोर आलीये. स्वतः कृष्णराज यांनी साम टीव्हीला ही माहिती दिली.

फेब्रुवारीचा महिना सुरुए...व्हॅलेंटाईन डे अगदी तोंडावर आहे. अशात कोल्हापुरच्या रांगड्या मातीत रिंकू-कृष्णराजच्या फोटोमुळे चर्चा झाली नसती तर नवलच...मात्र कृष्णराजनं या सगळ्या शक्यतांवर पडदा टाकलाय..त्यामुळे महाडिकांच्या कृष्णाची राधा त्यांना लवकरच सापडेल अशी अपेक्षा चाहत्यांनी व्यक्त केलीये.