Pune Kasba Bypoll Election : पुण्यातील कसबा पोटनिवडणूक चांगलीच रंगदार बनली आहे. काँग्रेसकडून उमेदवारी कोणाला मिळणार याची अनेकांना उत्सुकता होती. आज काँग्रेसकडून रवींद्र धंगेकरांची उमेदवारी जाहीर करण्यात आली. त्यानंतर काँग्रेसने जोरदार शक्तिप्रदर्शन देखील केले. पण आता काँग्रेससमोर बंडखोरीचं आव्हान उभं राहिलं आहे. (Latest Marath News)

काँग्रेसमध्ये बंडखोरी बाळासाहेब दभेकर यांनी बंडखोरीचा इशारा दिला असून, ते उद्या उमेदवारी अर्ज भरणार आहेत. काँग्रेसचे अध्यक्ष नाना पटोले यांनी सर्व पदाधिकाऱ्यांना एकजूट होऊन लढण्याचे आव्हान केले होते. परंतु आता दभेकर यांनी बंडखोरीचा इशारा दिला आहे. त्यामुळे आता दभेकरांची नाराजी दूर करण्यात काँग्रेसला यश येत का हे पहावं लागेल.

कसबा विधानसभा पोटनिवडणुकीसाठी काँग्रेसमधील इच्छुकांच्य यादीत दभेकर देखील होते. प्रदेशाध्यक्ष नाना पटोले पुण्यात तळ ठोकून आहेत. त्यांनी इच्छुकांच्या अनेक बैठका देखील घेतल्या. त्यानंतरही दभेकरांनी बंडखोरीचा इशारा दिला आहे. त्यामुळे ते कसबा मतदारसंघात अर्ज भरणार की काँग्रेस त्यांची नाराजी दूर करणार हे पाहणे महत्त्वाचे ठरणार आहे.