अभिजित देशमुख

Latest Kalyan News : डोंबिवली विष्णूनगर पोलिसांनी घरफोडी करणाऱ्या एका चोरट्याला मुरबाड येथून अटक केलीये. वैभव मुरबाडे असे या चोरट्याचे नाव असून वैभव जवळून पोलिसांनी चोरी केलेला पाच लाख 92 हजार रुपये किमतीचा मुद्देमाल देखील हस्तगत केलाय. वडिलांच्या उपचाराचा खर्च काढण्यासाठी वैभवने घरफोडीचा मार्ग पत्करल्याचे डोंबिवलीत पोलीस तपासात उघड झाले.

डोंबिवली (Dombivli) पश्चिमेकडील एका इमारती मधील घरातील कपाटात ठेवलेले सोन्याचे दागिने अज्ञात चोरट्यांनी चोरून नेल्याची तक्रार विष्णूनगर पोलीस ठाण्यात दाखल झाली होती. या प्रकरणी विष्णूनगर पोलिसांनी गुन्हा दाखल करत या अज्ञात चोरट्याचा शोध सुरू केला. पोलीस स्टेशनचे वरिष्ठ पोलीस (police) निरीक्षक पंढरीनाथ भालेराव यांच्या मार्गदर्शनाखाली पोलीस उपनिरीक्षक डी.ए भवर,अमोल आंधळे यांनी सदर घटनास्थळावरील सीसीटीव्ही फुटेज तपासले.

तांत्रिक तपास आणि खबऱ्यांनी दिलेल्या माहितीच्या आधारे हा चोरटा मुरबाड येथे राहत असल्याची माहिती विष्णूनगर पोलिसांना मिळाली. पोलिसांनी आरोपी वैभव मुरबाडे याला मुरबाड येथून अटक केली तसेच त्यांच्याकडून ५ लाख ९२ हजार किमतीचा मुद्देमाल हस्तगत केला आहे.

वडील आजारी असल्याने त्यांच्या उपचारासाठी पैसे कमी पडत असल्याने त्याने चोरी करणे सुरू केल्याचे वैभव ने पोलिसाना सांगितले. दरम्यान याआधी देखील त्याच्यावर एक गुन्हा दाखल असल्याचे पोलीस तपासात उघड झाले आहे. वैभवने आणखी काही चोऱ्या केल्यात का याचा तपास आता विष्णूनगर पोलीस करत आहेत