गोपाल मोटघरे, साम प्रतिनिधी

पुणे हिंजवडी येथील एका आयटी इंजिनियरने ७ मजल्यावरून उडी मारून आत्महत्या केल्याची घटना आज दुपारी घडली. कंपनी असलेल्या इमारतीच्या सातव्या मजल्यावरून उडी मारून त्याने जीवन संपवलं. याप्रकरणी एक नवी अपडेट समोर आलीय. आत्महत्या करण्यापूर्वी पियुष कवडे याने आपल्या आई-वडिलांना भावनिक चिठ्ठी लिहिली होती. त्यात आपण त्याने आई-वडिलांची माफी मागितलीय.पुणे पोलिसांनी या सुसाईड नोट खुलासा केला असून या प्रकरणाची कसून चौकशी केली जाईल, असं सांगितलंय.

आज सकाळी दहा वाजेण्याच्या सुमारास हिंजवडीतील ॲटलास कॉपको ग्रुप या कंपनीत आयटी इंजिनिअर म्हणून काम करणाऱ्या पियुष अशोक कावडेनं आत्महत्या केली. कंपनीच्या सातव्या मजल्यावरून उडी मारून त्याने आपलं जीवन संपवलं. पियुषने टोकाचं पाऊल का उचललं, असा प्रश्न कंपनीच्या कर्मचाऱ्यांसह पोलिसांनाही पडलाय.

दरम्यान पोलिसांना पियुषनं लिहून ठेवलेली एक सुसाईड नोट सापडलीय. त्या नोटमध्ये त्याने आई-वडिलांची माफी मागितलीय. मी चांगला मुलगा होण्यासाठी पात्र नाही. मी अपयशी झालो. जास्त चौकशी करू नका! एक संदेश लिहून पियुषने आयुष्य संपवण्याचा निर्णय घेतला. दरम्यान पोलिसांकडून सर्वा नातेवाईकांकडून विचारपूस केली जात आहे.

पियुष कवडे याला कामाचा ताण होता का या बाजूने पोलीस याप्रकरणी तपास करत आहेत. पियुष नैराश्यात होता का? याचाही पोलिसांकडू तपास केला जात आहे. दरम्यान याप्रकरणी हिंडवडी वाकड विभागाचे सहाय्यक पोलीस आयुक्त सुनील कुऱ्हाडे यांनी माहिती दिलीय. हिंडवडी फेज १ मधील अॅटलास कॉपको कंपनीत पियुष कावडे हा एक ते दीड वर्षांपासून आयटी इंजिनिअर म्हणून काम करत होता.

त्याने कंपनीच्या टेरसवरून उडी मारून आत्महत्या केलीय. त्याने एक सुसाईड नोट लिहिली असून त्यात त्याने आई-वडिलांची माफी मागितलीय. आपण चांगला मुलगा होऊ शकलो नसल्याचं त्याने म्हटलंय. तरीही आपण या प्रकरणाचा सखोल तपास केला जाईल अशी माहिती सहाय्यक पोलीस आयुक्त कुऱ्हाडे यांनी दिलीय.

दरम्यान पियुष अशोक कवडे असं आत्महत्या केलेल्या तरुणाचे नाव आहे. पियुष अशोक काडे हा मूळचा नाशिकचा जिल्ह्यातील रहिवाशी होता. तो मागील दीड वर्षापासून हिंजवडी आयटी पार्क परिसरातील ॲटलास कॉपको ग्रुप या कंपनीत अभियंता पदावर कार्यरत होता. आज सकाळी दहा वाजण्याच्या दरम्यान त्याने कंपनीच्या सातव्या मजल्यावरून उडी मारून आत्महत्या केलीय.