मुंबई : बोट दाखवत असताना हाताची चार बोटं आपल्याकडे आहेत हे विसरु नये असा टोला आज गृहराज्यमंत्री सतेज पाटील (Satej Patil) यांनी विरोधी पक्षनेते देवेंद्र फडणवीस (Devendra Fadnavis) यांना लगावला आहे. मंगळवारी देवेंद्र फडणवीस यांनी विधान सभेत महाविकास आघाडीच्या(Mahavikas Aghadi) नेत्यांवर आरोप केले आहेत. या आरोपाचे पुरावेही त्यांनी अध्यक्षांना दिले आहेत. यावर आज गृहराज्यमंत्री सतेज पाटील बोलत होते.

देवेंद्र फडणवीस (Devendra Fadnavis) यांनी विरोधापक्ष नेते म्हणून सांगितलेल्या माहितीची दखल घेतली जाईल, यावर त्यांना आज गृहमंत्री विधान सभेत उपस्थित राहून उत्तर देतीत असं सतेज पाटील यांनी सांगितले. राज्यात याअगोदरही वेगवेगळ्या नेत्यांची नावं टाकून आरोप झालेले आहेत. दुसऱ्यावर बोट दाखवत असताना हाताची चार बोटं आपल्याकडे आहेत हे विरोधी पक्षाने विसरु नये असही, गृहमंत्री सतेज पाटील म्हणाले.

आम्ही विरोधात होतो तेव्हा आम्हीही त्यावेळी लेखी आणि वेगवेगळ्या प्रकारचे पुरावे सरकारला सादर केले होते. काल केलेय्या आरोपांची व दिलेल्या पुराव्यांची सत्यता पडताळली जाईल. आणि मगच गृहमंत्री यावर उत्तर देतील. एक मंत्री म्हणून मी व्यवस्थित माहिती घेऊन विधान भवनात उत्तर देणार असल्याचेही सतेज पाटील (Satej Patil) यांनी सांगितले.

Edited by- Santosh Kanmuse