मुंबई - महाराष्ट्रात शहरी भागात आठवी तेबारावी आणि ग्रामीण भागात पाचवी ते बारावीचे वर्ग सुरू करण्यात आले आहे. त्यानंतर आता राज्यात पहिलीपासूनच्या शाळा सुरू होण्याची शक्यता वर्तवली जात आहे. राज्यात आता पहिलीपासूनचे वर्ग सुरू करण्यास शालेय शिक्षण विभाग अनुकूल असल्याची माहिती समोर आली आहे. या संदर्भात मुख्यमंत्री उद्धव ठाकरे यांची मान्यता मिळाल्यावर अंतिम निर्णय घेतला जाणार असल्याची माहिती समोर आली आहे.

हे देखील पहा -

या संदर्भात मंगळवारी राज्याचे उपमुख्यमंत्री अजित पवार यांच्या अध्यक्षतेखाली एक बैठक झाली. या बैठकीत शालेय शिक्षणमंत्री वर्षा गायकवाड, तसेच शिक्षण विभागाचे सचिव आणि इतर अधिकारी उपस्थित होते. या बैठकीनंतर शालेय शिक्षण विभाग प्राथमिक शाळा सुरू करण्यास अनुकूल असल्याचे बोलले जात आहे. येत्या १५ दिवसांत प्राथमिक या संदर्भात अंतिम निर्णय घेतला जाऊ शकतो.

Edited By - Shivani Tichkule