मुंबई: आगामी २०२४ च्या निवडणुकीनंतर राज्याच्या मुख्यमंत्री पदी 'ब्राह्मण' समाजाचा मुख्यमंत्री बसावा अशी आमची इच्छा असून त्याकरीता भाजपला पूर्ण समर्थन देणार असल्याचे मत केंद्रीय मंत्री रामदास आठवले यांनी व्यक्त केले आहे. रामदास आठवले (Ramdas Athawale) आज मिरा भाईंदर रोड येथे बौद्ध विहार आणि विपश्यना केंद्राच्या लोकार्पणवेळी पत्रकारांशी बोलत होते.

देवेंद्र फडणवीस (Devendra Fadnvis) जरी ब्राह्मण समाजाचे असले तरी ते बहुजन समाजाला न्याय देतात. त्यामुळे आम्हाला २०२४ ला पुन्हा मुख्यमंत्री पदी ब्राह्मण समाजाचे देवेंद्रे फडणवीस हवे आहेत, असंही आठवले म्हणाले.

यावेळी आठवले यांनी राज ठाकरे यांच्यावर टीका केली. राज ठाकरे यांनी आवर्जून अयोध्या दौरा केला पाहिजे. मात्र  हा अयोध्या दौरा करण्यापूर्वी त्यांनी अंगावर घेतलेल्या भगव्या रंगा प्रमाणे वागावे असा टोलाही ठाकरे यांनी लगावल.

आम्ही ईडी, सीबीआयच्या चौकशा लावत नाही. त्याचा आणि आमचा काही संबंध नाही. त्यांची चौकशी स्वतंत्र असते. चौकशी लावून आम्हाला सरकार पाडायचे नाही. आणि पडले तर आम्ही सरकार स्थापन करणार आहे, असंही आठवले (Ramdas Athawale) म्हणाले.