Mumbai Crime News: गेल्या काही दिवसांपासून मुंबईत गुन्हेगारीच्या घटनांमध्ये वाढ होत आहे. किरकोळ कारणावरून जीवघेणे हल्ले तसेच खूनासारख्या गंभीर घटना घडत आहेत. अशीच एक घटना करी रोड परिसरातून समोर आली आहे. कौटुंबिक वादातून दीर आणि चुलत सासऱ्याने महिलेसह तिच्या सासूवर चाकूने जीवघेणा हल्ला केला. या घटनेत महिलेसह तिची सासू जखमी झाली आहे. (Latest Marathi News)

त्यांना तातडीने उपचारासाठी रुग्णालयात दाखल करण्यात आलं आहे. शुक्रवारी सकाळी ८ वाजेच्या सुमारास ही घटना घडली आहे. घटनेनंतर पोलिसांनी (Police) संशयित आरोपींना अटक केली आहे. श्रीधर फडतरे (वय २८) आणि चारुदत्त फडतरे (वय ६८) अशी अटक करण्यात आलेल्या संशयित आरोपींची नावे आहेत.

पोलिसांनी दिलेल्या माहितीनुसार, आरोपी आणि पीडितांमध्ये कौटुंबिक वाद होता. या वादातून त्यांनी महिलेसह तिच्या सासूवर चाकूने जीवघेणा हल्ला (Crime News) केला. या हल्ल्यात महिलेसह तिच्या सासूला गंभीर जखम झाली. त्यांना उपचारासाठी रुग्णालयात दाखल करण्यात आलं आहे.

ताडी पिण्यावरून वाद, ३६ वर्षीय तरुणाची हत्या

मुंबईच्या साकीनाका परिसरातून एक खळबळजनक घटना समोर आली. काजूपाडा येथे ताडी पिण्यावरून दोन मित्रांमध्ये वाद झाला. हा वाद इतका विकोपाला गेला, की एका मित्राने दुसऱ्याची हत्या केली. खुर्शीद उर्फ रिजवान शेख असं हत्या झालेल्या तरुणाचं नाव आहे. याप्रकरणी साकीनाका पोलिसांनी शेरअली अहमद शेख याच्यावर गुन्हा दाखल करत त्याला अटक केली आहे.

Edited by - Satish Daud