डोंबिवली : राज्यभरात होळीच्या दिवशी होळी पेटवून मोठ्या उत्साहात सण साजरा केला. मात्र काल रात्रीच्या सुमरास डोंबिवली आजदे पाडा परिसरात अतिउत्साही तरुणांमुळे रंगाचा बेरंग झाल्याचे पाहायला मिळालं. फुगे फेकण्याच्या वादातून येथे दोन गटात हाणामारी झाली आहे.

मिळालेल्या माहितीनुसार, डोंबिवली आजदेपाडा परिसरात फुगे फेकण्यावरून दोन गटात तुफान राडा झाला. एका गटातील तरुणावर दुसऱ्या तरुणाने मुद्दाम फुगा फेकल्याने या दोन गटांमध्ये वाद झाला. या वादाचं रूपांतर काही क्षणातच हाणामारीमध्ये झालं. ही संपूर्ण घटना सीसीटीव्ही कॅमेरात कैद झाली आहे. (Latest News)

होळी आणि रंगपंचमीदरम्यान काही अनुचित प्रकार घडू नये, दुसऱ्याला त्रास होऊ नये अशा पद्धतीने सण साजरा करण्याचा आवाहन पोलीसांकडून करण्यात येत आहे. मात्र असं असलं तरी काही अतिउत्साही मंडळींकडून रंगाचा बेरंग करण्याचा प्रयत्न सुरू असल्याचं या घटनेनिमित्त दिसून येते.