Pune Latest News in Marathi: पुणे पुन्हा एकदा पुन्हा हिट अँडच्या घटनेनं हादरलं आहे. येथील कोलाड रस्त्यावर भुकूम ( ता. मुळशी ) येथील गारवा हॉटेल समोर डंपरने दुचाकीस धडक दिलेल्या झालेल्या अपघातात पती आणि पत्नी जागीच ठार झाले आहेत. या अपघातानंतर डंपरचा चालक फरार झाला आहे.

पोलिसांनी दिलेल्या माहितीनुसार, अनिल काळू सुर्यवंशी आणि त्यांची पत्नी प्रिया (रा. लवळेफाटा) अपघातात जागीच ठार झाले. हा अपघात गुरवारी रात्री एक वाजता झाला. डंपर भुकूमवरून भूगावकडे चालला होता. तसेच सुर्यवंशी भूगावरून भुकूमकडे चालले होते.

डंपर चालकाने वाहतुकीच्या नियमांकडे दुर्लक्ष केल्यानी हा अपघात घडला आहे. चालक भरधाव वेगाने डंपर चालवत होता. मोटार सायकलला समोरासमोर धडक दिल्यामुळे दोघे पती आणि पत्नी गंभीर जखमी होऊन जागीच ठार झाले. याबाबत अभिजीत दत्तात्रय तरवडे रा. पिरंगुट यांनी फिर्याद दिली.

याप्रकरणी पोलीस निरीक्षक संतोष गिरगोसावी, संतोष चव्हाण व हवलदार जगदाळे आधिक तपास करत आहेत. मिळालेल्या माहितीनुसार, अनिल उरवडे रोडवरील कंपनीत नोकरीस होते. तसेच प्रिया भूगाव येथील क्वूरिफायर कंपनीत नोकरी करत होती. पुण्यातील गणपती पाहण्यास प्रिया गेली होती. भूगाव येथे ती आली होती.

अनिल भूगाव येथून तीला घेऊन लवळेफाटा येथील घरी चालले होते. त्यावेळी हा अपघात झाला आहे. ज्यात दोघांना आपले प्राण गमवावे लागले आहेत. पोलीस फरार डंपर चालकाचा शोध घेत आहेत.