ज्ञानेश्वर हिंगोलीकर -

पुणे : जर भोंग्यांमुळे राज ठाकरे (Raj Thackeray) यांना त्रास होत असेल तर प्रथम स्वतःच्या सभेतील स्पीकर बंद करून,भोंगे, स्पीकरशिवाय सभा करावी. तसंच राज यांच्या सभेत जर पुन्हा कोणाच्या सामाजिक भावना दुखावल्या गेल्या तर याला जिम्मेदार सभेस परवानगी देणारे पोलीस प्रशासन असेल. असे प्रतिपादन राष्ट्रवादी काँग्रेस पक्षाचा (NCP) अल्पसंख्यक विभागाच्या प्रदेश संघटक सचीव हलिमाताई शेख यांनी केले आहे. .

तसंच औरंगाबाद (ीAurangabad) येथे मनसे पक्षप्रमुख राज ठाकरे यांच्या १ मेच्या सभेला पोलीसांनी सशर्त परवानगी दिली असली तरी अटी व नियमांचे पालन होईल याची काळजी घ्यावी जर सभेत किंवा सभेनंतर अणूचीत प्रकार घडला तर राष्ट्रवादी काँग्रेस पक्ष, अल्पसंख्यक विभाग राज्यभर निषेधार्थ तीव्र मोर्चा काढेल असा इशारा देऊन हलिमा शेख यांनी जनतेला सभेला जाऊ नये असे आवाहन देखील केलं आहे.

राज ठाकरे मागील दोन्ही सभांमध्ये मशिंदीवरील भोंग्यांबाबत केलेल्या वक्तव्यामुळे राज्यातील राजकारण चांगलच तापलं होतं. तसच राज यांनी समाजातील सलोखा बिघडवणारं वक्तव्य केल्याचा आरोप देखील विरोधकांकडून केला जात होता. अशातच आता त्यांची आगामी सभेची जोरदार चर्चा सुरु असून या सभेत राज हे काय बोलणार याकडे मनसे सैनिकांच लक्ष आहे. तसंच राज ठाकरे पोलिसांनी घालून दिलेल्या मर्यादा पाळणार का याकडे विरोधकांसह प्रशासनाचं लक्ष असणार आहे.

Edited By - Jagdish Patil