मुंबई : राज्यात काही जिल्ह्यामध्ये मागील २ दिवस अतिवृष्टीमुळे मोठ्या प्रमाणात पूरपरिस्थिती निर्माण झाली आहे. या अतिवृष्टीने महत्वाची सीईटी प्रवेश परीक्षा जे विद्यार्थी देऊ शकले नाही. अशा विद्यार्थ्यांना परिक्षेकरिता पुन्हा संधी देण्यात येत आहे, अशी माहिती उच्च व तंत्र शिक्षण मंत्री उदय सामंत यांनी दिली आहे. या नैसर्गि‍क आपत्तीमुळे काही विद्यार्थी परीक्षेला बसू शकले नसल्याने किंवा तांत्रिक अडचणीमुळे परीक्षा पूर्ण करु शकले नाहीत.

अशा उमेदवारांनी ई- मेलद्वारे, कार्यालयीन दूरध्वनी, केंद्र प्रमुख भेट आणि स्वत: सीईटी कक्षात येवून प्रत्यक्ष भेटी दरम्यान परीक्षा देवू न शकल्याचे विविध कारण सीईटी कक्षाकडे नोंदविले आहेत. यामध्ये विद्यार्थ्यांना कोरोना झाल्यामुळे, अतिवृष्टी, डेंगू, मलेरीया, टायफाईड इ. साथीचे आजार, ट्राफिक, रोड दुर्घटना इ. मुळे परीक्षा केंद्रावर पोहचण्यास अनेक अडचणी निर्माण होते.

हे देखील पहा-

एकाच दिवशी २ परीक्षा आल्यामुळे, परीक्षेचे पहिले सत्र ३० मिनिटाच्या आतच तांत्रिक अडचण निर्माण होते. परीक्षेला प्रत्यक्ष हजर असून सुद्धा तांत्रिक अडचणीमुळे परीक्षेचा पुर्ण वेळ न मिळणे अशी कारणे नमूद केली आहेत. अकृषी विद्यापीठांच्या कुलगुरूंची बैठक देखील झाली आहे. कॉलेज सुरू करण्याच्या दृष्टीने सकारात्मक पाऊले टाकत आहोत. प्रत्येक जिल्ह्यातील परिस्थितीचा आढावा घेवून निर्णय होणार आहे.

टास्क फोर्ससोबत चर्चा करून, एसओपी बनवली जाईल आणि मुख्यमंत्र्यांच्या संमतीनंतर निर्णय होणार आहे. १ नोव्हेंपासून शैक्षणिक वर्ष होईल. परंतु, तेव्हाच दिवाळी असल्याने कदाचित दिवाळीनंतर शैक्षणिक वर्ष सुरू होईल. तेव्हाच फिजिकल कॉलेज सुरू करण्याचा विचार होत आहे. विद्यार्थ्यांनी यायचे की नाही, हे त्यांनी ठरवावे. सक्ती नसणार आहे. कोरोना कमी झालेला आहे. तिथं कॉलेज सुरू करायला काहीच अर्थ नाही. पण याकरता मुख्यमंत्र्यांची परवानगी लागणार आहे.

Edited By- Digambar Jadhav