मुंबई: मुंबई अँटी नार्कोटिक्स (Anti-Narcotics) सेलच्या घाटकोपर युनिटने दोन अंमली पदार्थ विक्रेत्यांना अटक केली आहे. यातील एक नायजेरियन महिला ड्रग (Drugs) डीलर आहे. घाटकोपर युनिटने 82 ग्रॅम एमडी ड्रग्ज (Drugs) जप्त केले आहे. जप्त केलेल्या ड्रग्जची आंतरराष्ट्रीय बाजारात किंमत 8 लाख 20 हजार रुपये आहे.

एनडीपीएस कायद्यान्वये गुन्हा नोंदवून एएनसीने पुढील तपास सुरू केला आहे. गोरेगाव येथील दूधसागर सोसायटी बस स्टॉपजवळ 28 वर्षीय आफ्रिकन महिला ड्रग्जची तस्करी करण्यासाठी येणार असल्याची माहिती एएनसी अधिकाऱ्याला मिळाली होती. त्यानंतर सापळा रचून पेडलरला अटक करण्यात आली.

चौकशीनंतर अफजल सय्यद याचे नाव समोर आले आहे. अधिक तपासात मालाडमध्ये एका ३९ वर्षीय व्यक्तीकडून ५२ ग्रॅम ड्रग्ज (Drugs) जप्त करण्यात आले आहे. या दोघांविरोधात गुन्हा दाखल करून पुढील तपास सुरू केला.

Edited By- Santosh Kanmuse