पुणे: एकीकडे आरोग्यभरतीच्या गट क आणि गट डच्या निकालाचं भिजत घोंगडं कायम असताना परिक्षार्थींना आणखी एका गोंधळाचा सामना करावा लागतो आहे. परीक्षा दिलेल्या विद्यार्थ्यांना आता नोकरी लावण्यासाठी फोन कॅाल येत आहेत. तुम्हांला परीक्षेत कमी मार्क पडले असून तुम्ही पैसे भरल्यास नोकरी लागेल असं या कॅाल मधून सांगितलं जात आहे. आरोग्य विभागातून बोलत असल्याचं या कॅाल्स मध्ये सांगितलं जात आहे. विद्यार्थ्यांची ही गोपनीय माहिती नेमकी लिक कशी झाली असा सवाल यामुळे विचारला जात आहे.हे सगळे कॅाल्स फ्रॅाड असण्याची शक्यता वर्तवली जात असुन यामुळे विद्यार्थ्यांचं नुकसान होण्याची भिती वर्तवली जात आहे.