अंबरनाथ - अंबरनाथ Ambernath पूर्वेतील गॅस गोडाऊन Gas Godownपरिसरात रस्ते अक्षरशः वाहून गेले आहेत. गॅस गोडाऊन ते मैखाना पर्यंतच्या रस्त्याची तर खड्ड्यांनी पुरती चाळण झाली आहे. या रस्त्यांची डागडुजी करण्याची मागणी स्थानिकांकडून केली जात आहे.

हे देखील पहा -

अंबरनाथ पूर्वेतील महालक्ष्मीनगर चौकाकडून एक रास्ता नवरे नगरच्या दिशेने जातो. या रस्त्यावर मैखाना ते गॅस गोडाऊन या पट्ट्यात गायत्री बिल्डिंगच्या समोरच तब्बल १० ते १५ फूट लांबीचे खड्डे पडले आहेत. या खड्ड्यातून गाड्या चालवताना कितीही खड्डे वाचवण्याचा प्रयत्न केला तरी गाडी शेवटी खड्ड्यात जातेच अशी अवस्था झाली आहे.

यामुळे वाहनचालकांना मोठा मनस्ताप सहन करावा लागत आहे. तर दुसरीकडे पादचारी, लहान मुलं, वयोवृद्ध नागरिक यांनी तर या रस्त्यावरून चालावं तरी कसं? असा प्रश्न या रस्त्याची अवस्था पाहिल्यानंतर पडतो. खड्ड्यांमध्ये पावसाचं पाणी जमा झाल्यामुळे खड्ड्यांचा अंदाज देखील येत नसून त्यामुळे दुचाकीस्वारांचे अपघात होण्याचे प्रमाण वाढले आहे. त्यामुळे आता या रस्त्यावर तातडीने डागडुजी करण्याची मागणी स्थानिकांकडून केली जात आहे.

Edited By - Shivani Tichkule