मुंबई: मुंबई मध्ये (Mumbai) गांजासाठी (Marijuana) मित्रालाच इमारतीच्या टेरेसवरुन खाली ढकलल्याची घटना समोर आली आहे. या घटनेत त्या तरुणाचा जागीच मृत्यू झाला आहे. ही घटना मुंबईच्या कुर्ला परिसरात घडली आहे.

या घटनेत मृत्यू झालेल्या तरुणाचे नाव अमान उर्फ बिटू आफताब शेख (Aman Shaikh) (19) असे आहे. हे तरुण गांजा (Marijuana) पिण्यासाठी टेरेसवर गेले होते, यावेळी यांच्या गांजावरुन वाद झाला. वादात अमान याला मित्राने टेरेसवरुन खाली ढकलले यात त्याचा मृत्यू झाला असल्याचे समोर आले आहे.

ही घटना कुर्ला येथील दावल चाळ, रोशन मस्जिद जवळ घडली आहे. या प्रकरणी चुन्नाभट्टी पोलीस (Police) ठाण्यात हत्येचा गुन्हा नोंद झाला आहे. या प्रकरणी संशयित आरोपी मोहम्मद सुलतान अकबर अली खान याला पोलिसांनी अटक केली आहे.

Edited By- Santosh Kanmuse