पालघर : तारापूर औद्योगिक वसाहतीतील (tarapur midc) कॅम्लीन नाका परिसरातील केंबोंड केमिकल प्लॉट नंबर ई ६/३ तसेच ई ४ या कंपनीत स्फाेट झाल्याने भीषण आगीत एकाचा मृत्यू झाला आहे. ही आग (fire) आटाेक्यात आणण्यात अग्निशमन दलास (fire brigade) यश आले आहे. (palghar latest marathi news)

ही भीषण आग सकाळच्या सुमारास लागली. त्यानंतर एमआयडीसीचे अग्निशमन दलाच्या चार गाड्या घटनास्थळी पाेहचल्या. ही आग आटोक्यात आणण्याचे काम अग्निशमन दलाने उत्तमरित्या केले.

आगीमुळे धूराचे लाेट परिसरात पसरले. या कंपनीच्या बाहेर नागरिकांची गर्दी झाली हाेती. अग्नीशमन विभागाने कंपनीतील कामगारांना कंपनी बाहेर सुरक्षितस्थळी हलविले. मात्र या दुर्घटनेत कंपनीतील प्रोडक्शन विभागातील व्यवस्थापकाचा मृत्यू झाला. दुलेश पाटील असे मृत्यू झालेल्या प्राेडक्शन विभागाच्या व्यवस्थापकाचे नाव आहे. बोईसर एमआयडीसी पोलीस घटनास्थळी असून आगीचे कारण अजूनही अस्पष्ट असल्याचे पाेलीसांनी नमूद केले.

Edited By : Siddharth Latkar