रश्मी पुराणिक

मुंबई - गेल्या काही दिवसांपासून शिवसेना आणि भाजप यांच्यामध्ये चांगलेच राजकीय संघर्ष सुरु असल्याचे पाहायला मिळत आहे. काही दिवसांपूर्वी केंद्रीय मंत्री नारायण राणे यांनी पत्रकार परिषद घेतली होती. या पत्रकार परिषदेमध्ये नारायण राणे (Narayan Rane) यांनी सुशांत सिंग राजपूत आणि दिशा सालियन (Disha Salian) यांची हत्या झाल्याचा गंभीर आरोप केला होता. या प्रकरणी आता केंद्रीय मंत्री नारायण राणे आणि नितेश राणे (Nitesh Rane) यांच्या विरोधात मालवणी पोलीस (Police) स्थानकात FIR दाखल करण्यात आली आहे.

हे देखील पहा -

दिशा सालीयनवर लैंगिक अत्याचार झाल्याचं राणे पिता पुत्रांनी आरोप केला होता. या प्रकरणी दिशा सालीयानच्या आई आणि वडिलांनी राज्य महिला आयोगाकडे तक्रार केली होती. त्यानंतर पोलिसांनी कारवाई करण्यास सुरुवात केली आहे.

पोलिसांनी महिला आयोगाला एक आहवाल दिला आहे. या अहवालात दिशा सालीयानवर पोस्टमॉर्टम रिपोर्टनुसार लैंगिक अत्याचार झाला नसल्याचे स्पष्ट करण्यात आले आहे. तसेच ती गरोदर नसल्याचे देखील स्पष्ट करण्यात आले आहे.