कोरोनाच्या (Covid19) पार्श्वभूमीवर शहरात लागू कऱण्यात आलेले निर्बंध (Restrictions) शिथील करण्याचा निर्णय राज्यसरकारने घेतला आहे. उपमुख्यमंत्री अजित पवार (Deputy Chief Minister Ajit Pawar) यांनी आज पुण्यात आयोजित बैठकीत शहरातील निर्बंध शिथील करण्याचा निर्णय घेतला आहे. पुणे ग्रामीण भाग देखील 3 टप्प्यात असून ग्रामीण भागातील निर्बंध शिथिल केले जात असले तरी पॉझिटिव्हिटी रेट 7 टक्के झाल्यास पुन्हा कडक निर्बध लावले जातील असा इशाराही अजित पवार यांनी दिला आहे. (Finally, the corona restrictions in Pune have been relaxed)

दरम्यान, गेल्या महिनाभरात पुणे शहराचा पॉझिटिव्हीटी रेट सातत्याने घटत असल्याचे दिसून आले आहे. ४ ते १० जुलै काळात ४.९८ टक्क्यांवर असणारा पॉझिटिव्हीटी रेट २.८८ टक्क्यांपर्यंत घसरला आहे. याच पार्श्वभूमीवर निर्बंधांमध्ये शिथिलता देण्याची मागणी महापौर मुरलीधर मोहोळ केली होती.

- पुण्यात सर्व दुकाने सर्व दिवशी सुरु राहतील.

- रेस्टॉरंट आणि हॉटेल आठवड्यातील सर्व दिवस रात्री दहा वाजेपर्यंत सुरु राहतील

-साप्ताहिक सुट्टी नुसार शहरातील दुकाने आठवड्यातून एक दिवस बंद राहतील.

- कोरोना लशीचे दोन डोस झालेल्यांनाच मॉलमध्ये प्रवेश दिला जाणार

- जलतरण तलाव, मॉल, हॉटेलसाठी नवी नियमावली लागू केली जाणार