नवी मुंबई - शिवसेना रायगड जिल्हा सल्लगार बबन पाटील आणि खारघर शिवसेनेचे (Shivsena) माजी शहरप्रमुख शंकर ठाकूर यांच्या विरोधात खारघर पोलीस ठाण्यात विनयभंगाचा गुन्हा दाखल करण्यात आला आहे. वडघर मध्ये राहणाऱ्या महिलेने केलेल्या तक्रारीवरून हा गुन्हा दाखल करण्यात आला आहे. तक्रारदार महिला घरकाम करत असून, पतीपासून विभक्त असलेल्या या महिलेचे व तिच्या एका मित्राचे खाजगी फोटो जिल्हा सल्लागार बबन पाटील व माजी शहर प्रमुख शंकर ठाकूर यांनी समाज माध्यमांवर व्हायरल केले होते.

हे देखील पहा -

या बाबतचा जाब विचारण्यासाठी गेलेल्या या महिलेसोबत माजी शहर प्रमुख शंकर ठाकूर यांनी गलिच्छ भाषेत बोलत धक्का बुक्की केल्याची तक्रार नोंदवण्यात आली असून जिल्हा सल्लागार बबन पाटील यांनी या महिलेचे व तिच्या मित्राचे फोटो बॅनरवर लावून बदनाम करण्याची धमकी देखील दिली असल्याने हा गुन्हा दाखल करण्यात आल्याची माहिती खारघर पोलिसांनी दिलेय. या प्रकरणी अद्याप पोलिसांनी कोणालाही अटक केली नसून पोलिस काय कारवाई करतात हे पाहणे महत्वाचे ठरणार आहे.

Edited By - Shivani Tichkule