पुणे: अलीकडे पिंपरीत (Pimpri) एका महिला वकिलावर पुरुष वकिलाने बलात्कार केल्याची घटना उघडकीस आली होती. नराधम आरोपीने पीडित महिलेला गुंगीचे औषध पाजून विकृतीचा कळस गाठला होता. ही धक्कादायक घटना ताजी असतानाच आता पिंपरीत (Pimpri) आणखी एक बलात्काराची घटना समोर आली आहे. येथील एका पोलिसाने (police) महिला प्राध्यापकावर बलात्कार केला आहे. आरोपीने पीडित महिलेचा एकटेपणाचा गैरफायदा घेत आणि लग्नाचे आमिष दाखवून तिच्यावर वारंवार बलात्कार (sexual assualt ) कला आहे. (Female teacher sexual assualt by police Pune Crime)

हे देखील पहा-

कायद्याचे रक्षण करणाऱ्यांनीच लैंगिक शोषण केल्यामुळे पोलीस (police) प्रशासनात चांगलीच खळबळ उडाली आहे. आकाश प्रकार पांढरे असे गुन्हा दाखल झालेल्या 30 वर्षीय आरोपी पोलिसाचं नाव आहे. तो पुण्यात हिंजवडी पोलीस ठाण्यात कार्यरत आहे. आरोपी पांढरे गेल्या काही काळापासून पीडित महिलेला लग्नाचे आमिष दाखवून तिचे लैंगिक शोषण करत होता. दरम्यान पीडित महिला गरोदर राहिली असता, आरोपीने पीडितेला गर्भपाताच्या गोळ्या देऊन गर्भपात घडवून आणला आहे. या प्रकरणी २८ वर्षीय पीडित प्राध्यापक महिलेने भोसरी पोलीस ठाण्यात फिर्याद दाखल करण्यात आली आहे.

पोलिसांनी बलात्कारासह विविध कलमाअंतर्गत गुन्हा दाखल (FIR lodged) करण्यात आला आहे. या घटनेचा पुढील तपास केला जात आहे. पोलिसांनी दिलेल्या माहितीनुसार, २८ वर्षीय पीडित महिला आपल्या मुलीबरोबर भोसरी पोलीस ठाण्याच्या हद्दीत राहते. ती एकटी राहत असल्याचे पाहून आरोपी पांढरे यानं तिचा गैरफायदा घेतला आहे. आरोपीने लग्नाचे आमिष दाखवून पीडितेला भोसरी, साखरेवस्ती आणि हिंजवडी फेज या परिसरात घेऊन जात वारंवार जबरदस्तीने शारीरिक आणि अनैसर्गिक संबंध ठेवले आहेत.

हा धक्कादायक प्रकार ऑक्टोबर २०२० ते २ जानेवारी २०२२ या काळात घडला आहे. या दरम्यान पीडित प्राध्यापिका गरोदर राहिली असता, आरोपीने गर्भपाताच्या गोळ्या खायला देऊन पीडितेचा गर्भपात घडवला आहे. तसेच तू एकटी कशी राहते, तेच बघतो, अशी धमकी देत आरोपी पोलिसांने दिल्याचे फिर्यादीमध्ये सांगितले आहे. या प्रकरणी भोसरी पोलीस ठाण्यात गुन्हा दाखल करण्यात आला असून पुढील तपास केला जात आहे.

Edited By- Digambar Jadhav